XVI.
Baros Ihesus qu’ en crotz fon mes
Per salvar crestiana gen,
Nos manda a totz cominalmen
Qu’ anem cobrar lo sant paes
On venc per nostr’ amor morir;
E si no ‘l volem obezir,
Lai on feniran tuit li plag,
N’ auzirem maint esqiu retrag.
Qu’ el sant paradis que ns promes,
Vol ara liurar francamen
A sels qu’ iran ab lo marques
Outra la mar, per dieu servir;
E sels qui no ‘l volran seguir,
Que non puesc’ aver gran esglag.
Que qui ‘l sec plus al pieitz s’ enpren;
Qu’ om lais los mals e prenda ‘ls bes;
Que pus la mortz vol assalhir,
Negus no i pot ne i sap guandir;
Doncs pus tuit morem atrazag,
Ben es fols qui viu mal ni lag.
D’ engan e de galiamen,
E son aitan li mescrezen
Qu’ entr’ els non renha dreigz ni fes;
Que quascus ponha en trahir
Pero ill trachor son aissi trag
Cum selh qui beu tueissec ab lag.
E franc e larc e conoissen,
Humil et ardit e cortes,
Mas trop si laissa enantir
Sos sers cui dieus bais et azir,
Reis aunitz val meins que pages,
Quan renha a lei de recrezen,
E plora ‘ls bes qu’ autre despen,
E pert so qu’ el pair’ a conques;
Aitals reis faria ad aucir
Qui viu a guisa de contrag
E pren e dona mal e lag.
Domnas vielhas non am ieu ges,
Quar vivon descausidamen
Quar fin paratge an si mal mes,
E greu d’ escotar e d’ auzir,
Quar fin domnei an aissi trag
Qu’ entre lor non trobon escag.
Domna, si m tenetz en defes
Mas de far vostre mandamen,
E s’ en grat servir vos pogues
Entr’ el despulhar e ‘l vestir,
Jamais mals no m pogr’ avenir,
Quar vostre dig e vostre fag
Reis del Leon, senes mentir,
Devetz honrat pretz reculhir,
Temprat d’ umor ab douz complag.
